სიცოცხლის გადარჩენის ალტერნატიული გზა

#19: -

საბოდიშო არაფერია. ყველას თავისი მოსაზრება აქვს. მით უმეტეს, მისაღებია არგუმენტაციაზე დამყარებული კრიტიკა.

ამ პეტიციას არ აქვს პრეტენზია უნივერსალურობაზე და ყველა დასაბუთებული შენიშვნა გათვალისწინებული იქნება შემდეგ ეტაპზე.

ამჯერად ჩვენ არ გვინდოდა, გამოგვრჩენოდა რომელიმე ჯგუფი, რომელსაც რეალურად სჭირდება დახმარება.

პირველი პუნქტის გ) ქვეპუნქტი მოიაზრებს ისეთი სამედიცინო დახმარების გაწევას, როგორსაც დღესდღეობით, ჯერ-ჯერობით, საქართველოში კლინიკის, ლაბორატორიების და შესაბამისი სამედიცინო კვალიფიკაციის პერსონალის არქონის/არყოლის გამო ვერ უწევენ პაციენტებს. გეთანხმებით, რომ ტექნოლოგია და შესაბამისად, კომპეტენციებიც სწრაფი ტემპით იცვლება განვითარებული მსოფლიოს ნაწილში და ძნელია, დავეწიოთ და ფეხი ავუწყოთ ამ პროცესებს. მაგრამ სიძნელის გამო უარიც არ უნდა ვთქვათ. როდესღაც უნდა გადაიდგას პირველი ნაბიჯი და ეს როდესღაც შეიძლება რეალური დრო აღმოჩნდეს, თუ ამის სურვილი და მზაობა იქნება საზოგადოებაში.

უფრო რეალური კონტურები რომ შეიძინოს კლინიკის იდეამ, შესაძლებელია ის ორიენტირებული იყოს ისეთ ავადმყოფობებსა და ოპერაციებზე, რომელთა მოთხოვნაც ყველაზე ხშირია და ყველაზე ხშირად რა ტიპის ოპერაციებისთვისაც მიდიან საზღვარგარეთ. ყველა სფეროს რომ ვერ გადავფარავთ, ამის ილუზია არ გვაქვს.

სანამ ბიზნესი იგრძნობს კლინიკის დაარსების აუცილებლობას, საზოგადოება ყოველ დღე გრძნობს ამას ათეულობით შემთხვევის "წყალობით", რომლებიც განსაკუთრებით სოციალურ ქსელებში ინტენსიურად ვრცელდება.

დიდი მადლობა, რომ შენიშვნების მიუხედავად გვიერთდებით. როგორც აღვნიშნე, შენიშვნებს მივიღებთ. ეს ჯერ მხოლოდ უმწიფარი იდეაა, რომელსაც ძალიან ბევრი გაშალაშინება სჭირდება.

პ.ს. ჩვენ არ ვართ რაიმე ორგანიზაცია, ცნობილი თუ უცნობი. არამედ საზოგადოების ისეთივე წევრები, როგორც თქვენ. უბრალოდ, ერთ საღამოს დავსხედით და გადავწყვიტეთ, მოქმედებაში გადაგვეტანა ის გულისტკივილი და წუხილი, რასაც ყოველ დღე განვიცდით.

ჩვენს ვინაობას ხელმომწერთა შორის ნახავთ, პირველი და მეორე ხელმომწერები ვართ.