სიცოცხლის გადარჩენის ალტერნატიული გზა


Guest

/ #29

2013-03-17 23:07

კიდევ ერთხელ განვმარტავ სკეპტიკოსებისთვის.

დიახ, ჩვენ არ ვართ იურისტები, არც ჯანდაცვის სფეროს წარმომადგენლები. ვართ საზოგადოების წევრები, ისევე როგორც თქვენ. ჩვენ თუ არა, ხვალ ვინმე სხვა განახორციელებდა ამ იდეას და ჩვენ შევუერთდებოდით მას. არ აქვს ჩვენთვის მნიშვნელობა, რომელი ორგანიზაცია თუ ჯგუფი იქნებოდა პეტიციის ორგანიზატორი. პეტიციის ორგანიზატორობა ჯერ არაფერს ნიშნავს. ამით მხოლოდ გვინდა, საზოგადოების მოთხოვნა გამოვხატოთ, (მათი, ვინც შეუერთდება, რასაკვირველია), რომ ყველა გაჭირვებულ ადამიანს "like"-ით და ერთი ზარით ვერ დავეხმარებით და რაღაც სისტემურის მოფიქრებაა საჭირო.
შესაძლებელია, პროცესის მსვლელობაში საერთოდ შეიცვალოს იდეა, სხვა მიმართულება მიიღოს და უფრო განხორციელებადი და რენტაბელური გახდეს, რასაც მხოლოდ მივესალმებით.

ამ პეტიციით გვინდა:
საზოგადოების მოთხოვნა გადავცეთ ხელისუფალთ, რომ შეიცვალოს და დაიხვეწოს საკანონმდებლო ბაზა, რათა შესაძლებელი გახდეს საქველმოქმედო საქმიანობის განხორციელება;
რომ ბიზნესს ჰქონდეს (გარკვეულ, გონივრულ ფარგლებში) თავისუფლება, მოგების გადასახადი მთლიანად ბიუჯეტში ჩარიცხოს თუ ფონდებს გადაურიცხოს;
რომ გაჭირვებულმა ადამიანებმა იცოდნენ კონკრეტული მისამართი, რომელსაც მიმართავენ და მათ სიცოცხლეს საფრთხე აღარ დაემუქრება (ფონდი მთლიანად დააფინანსებს თუ ნაწილობრივ, ვის და რას დააფინანსებს, შემდგომი კამათის საკითხებია).

ჩვენ გვინდა, გავცდეთ ერთჯერად მოქმედებას და პრობლემის სისტემურად გადაწყვეტაზე ვიფიქროთ.