პეტიცია ბათუმის ყოფილი ფოსტის შენობის განადგურების წინააღმდეგ

ბათუმელი

/ #25

2012-10-26 22:24

2005 წლიდან ინტენსიურად მიმდინარეობს ბათუმისა და მის შემოგარენში არსებული ისტორიული ძეგლების განადგურება, რაც თავისთავად იწვევს კულტურული მეხსიერების წაშლას და ძველი ბათუმის, როგორც არქიტექტურული სივრცის დაკარგვას. ამ პროცესს ხელი შეუწყო ხელისუფალის ერთპიროვნულმა გადაწყვეტილებებმა, პროფესიონალებთან და ექსპერტებთან თანამშრომლობის იგნორირებამ. შედეგად, ბათუმმა დაკარგა თავისი ტრადიციული, კულტურული იერსახე და იქცა ეკლექტურ, გაურკვეველი სტილის და ფსევდო, უგემოვნო და სხვა ქვეყნებიდან მექანიკურად გადმონერგილი არიტექტურული ძეგლების ქალაქად. ერთ დროს პატარა, კოხტა ზღვისპირა ქალაქი, ხან სინგაპურს უნდა დამსგავსებოდა, ხან ჩიკაგოს ხან დუბაის. ახალი ხელისუფლების პირობებში უნდა მოხდეს აძველი ბათუმის ნამდვილი და არა "ბოლშვიკური" სულისკვეთების რეაბილიტაცია.