#56: - Re:

ხო როგორც ვიცი არაკაშხლური ტიპისაა, რაც ყველაზე ნაკლებ ზიანს აყენებს გარემოს. ზემოთთქმული მოსაზრება კი ეკუთვნის აკადემიკოსს ალექსანდრე თვალჭრელიძეს. გთავაზობთ სრულ ვარიანტს, რომელიც "კვირის პალიტრაშია" დაბეჭდილი. რა ვქნა, თუ კი მჯერა აკადემიკოსების, ანუ იმ ხალხის რომელიც ერკვევა ამ საკითხებში. ეს მისი საქმეა და მის სიტყვას უფრო მეტი წონა უნდა ქონდეს წესით, ვიდრე იმ ადამიანების, რომლებიც ენერგეტიკოსებიც კი არ არიან.

ალექსანდრე თვალჭრელიძე (საქართველოს საბუნებისმეტყველო აკადემიის აკადემიკოსი): "ჩემი მოსაზრება ასეთია: საქართველოში პირველად დაიწყო ბუნებრივი რესურსების რაციონალური გამოყენება. ქვეყანა მდიდარია ბუნებრივი რესურსებით და ის აუცილებლად უნდა გამოვიყენოთ. ალბათ კარგად გახსოვთ, რა მდგომარეობა იყო, როცა ბუნებრივი რესურსები სათანადოდ არ გამოიყენებოდა. მიმაჩნია, რომ ჰესების აშენება საქართველოსათვის წინ გადადგმული ნაბიჯია, მაგრამ ეს არ არის საკმარისი - გამოყენებული უნდა იყოს ალტერნატიული რესურსები, მზისა და ქარის ენერგია. სხვათა შორის, ენერგეტიკისა და ბუნებრივი რესურსების სამინისტროს კარგად აქვს შესწავლილი ქარის რესურსები და მალე ალბათ ქვეყანაში ალტერნატიული ენერგეტიკული წყაროებიც ამოქმედდება.
ნამდვილად არ ვემხრობი მოსაზრებას, რომ ჰესების აგებამ შესაძლოა რაღაც უბედურება მოგვიტანოს. მსოფლიოში ყველაზე მაღალი თაღური კაშხალი ენგურჰესია, მაგრამ მისი აგებით არაფერი შეცვლილა, არც სოფლები დატბორილა. იგივე შეიძლება ითქვას ჟინვალჰესზეც(?!). ჩვენ ეს საკითხი თავის დროზე საკმაოდ ღრმად შევისწავლეთ და არ მგონია, ჰესების აგებას რამე ბუნებრივი კატაკლიზმი მოჰყვეს. გაცილებით საშიშია თბოსადგურების აშენება, რომელსაც ძალიან მაღალი სითბური ეფექტი აქვს.
კარგად ვიცნობ ამ პროექტს და მიმაჩნია, რომ ის კომერციული თვალსაზრისითაც მომგებიანია: მოხდება ელექტროენერგიის ექსპორტი, ბიუჯეტი შეივსება და მშპ გაიზრდება. ენერგეტიკა ჩვენთან ძალიან სწრაფად ვითარდება, რაც მისასალმებელია. ეს ძალიან მომგებიანი სფეროა. საბოლოოდ, თუ დაგეგმილი 40 ჰესი აშენდება, ჩვენ შევძლებთ დაახლოებით 5-6 მილიარდი კვტ/სთ ენერგიის გაყიდვას წელიწადში, რაც 500-600 მილიონი დოლარია ყოველწლიურად. დამეთანხმებით, ეს სოლიდური შემოსავალია ნებისმიერი სახელმწიფოსთვის".

კვირის პალიტრა
ხათუნა ჩიგოგიძე

#57: - Re: Re:

გაუნათლებლობა დაღუპავს საქართველოს! ყველაფრის ექსპერტს - თვალჭრელიძეს რომ არ დაუჯეროთ და თავად მოიძიოთ და წიაკითხოთ რამე - არა?!

#57: - Re: Re:

ოო, სიტყვის საწონ სასწორზე თვალჭრელიძეს ვინ აჯობებს;) და თვქენი აზრი არ გაგაჩნიათ? ჟინვალის გამო არაფერი დაძირულა? სად ცხოვრობთ ხალხო??????

#57: - Re: Re:

არაფრის აზრზე არ ყოფილა ეგ თვალჭრელიძე,  ჟინვალს 4 სოფელი რომ აქვს დატბორილი ეგ არიცის და სხვა რა ეცოდინება, დაკლებულ წყალზე ეკლესია ჩანს ხოლმე წყლიდან, საუკუნის წინანდელი საფლავებიც ჩემი თვალით მაქვს ნანახი ჟინვალის ნაპირზე, რომლებიც ასევე იტბორება.  ანანური რომ ზიანდება ჰომ ლაპარაკიც არუნდა.