"არა დიდ ჰესებს" - ეს ან საოცარი დილეტანტის წამოსყებული კამპანიაა, ვინც ყურმოკრული ჭორების საფუძველზე იყალიბებს პოზიციას, ან საქართველოს მტრის, ვისაც არ სურს რომ საქართველომ რუსეთისგან ენერგოდამოუკიდებლობა მოიპოვოს და შესაბამისად რუსეთს მოესპოს საქართველოზე ზეწოლის ერთ-ერთი პოლიტიკური ბერკეტი.

არც კი გაგიგიათ ალბათ, რომ არსებობს მეთოდები და არსებობენ პროფესიონალები, ვისაც შეუძლია ჰესის მშენებლობის შედეგად გარემოზე უარყოფითი ზემოქმედების პროგნოზირება და შეფასება. მხოლოდ პროფესიონალური დასკვნის შემდეგ არის შესაძლებელი იმაზე მსჯელობა, აზიანებს თუ არა ჰესი გარემოს. ასევე, თუკი ზიანი მართლაც არის, არსებობს საშუალებები ამ საზიანო ზემოქმედების ნაწილობრივ თავიდან ასარიდებლად და შესამცირებლად. მხოლოდ ამის შემდეგ უნდა მოხდეს ამ ზიანის შეფასება, და გადაწყვეტა, მართლაც არის ეს ზიანი მნიშვნელოვანი და დიდი, თუ უბრალოდ ხუთი ცალი ბუჩქის გადასარჩენად ვამბობთ უარს საქართველოს მომავალზე.

ვინც ასე ერთი ხელის მოსმით ხაზს უსვავს ყველა დიდ ჰესს და ამბობს რომ ის გარემოს ანადგურებს მხოლოდ და მხოლოდ იმიტომ, რომ ის დიდია - ან იდიოტია, ან ქვეყნის მოღალატე.

რაც შეეხება მოსახლეობის გადასახლებას - მოსახლეობასთან შეთანხმება და მათი სახლების ყიდვა არაფრით არ შეიძლება, ხო?

#62: ქართველი -

სიტყვები რომ შეარჩიო და ზრდილობას მოუხმო არ იქნებოდა ურიგო...რაც შეეხება დიდ ჰესებს: რას ნიშნავს ენერგოდამოუკიდებლობა??? წაკითხული გაქვს თუ არა ხუდონჰესზე ან სხვა რომელიმე ჰესზე გაფორმებული ხელშეკრულებები??? სამშობლოს მოღალატეები თქვენსკენ მოიკითხეთ....საერთოდ იმ ადგილებში ხაართ ნამყოფი??? იცით ამ ხელშეკრულებების საფუძველზე რა სარგებლობას ვიღებთ ამ ჰესებიდან??? ჯერ საკითხს უნდა გაეცნოთ და მერე ისაუბროთ, ასეა მიღებული...

რაც შეეხება ჰესებს: დავიწყებ ეკონომიკური საკითხებით:

1. გაფორმებული ხელშეკრულებების თანახმად, ეს ჰესები განკუთვნილია ექსპორტისათვის და ინვესტორი ვალდებულებას იღებს მხოლოდ ექსპლუატაციაში გაშვებიდან პირველი 10 წლის განმავლობაში მხოლოდ ზამთრის სამი თვის განმავლობაში მიაწოდოს საქართველოს ენერგოსისტემას ელექტროენერგია, ხოლო ტარიფი არ უნდა აღემატებოდეს დროის იმ პერიოდისათვის თბოელექტროსადგურის მიერ გამომუშავებული ელექტროენერგიის ტარიფს. 10 წლის შემდეგ ინვესტორი თავისუფალია ბაზრის არჩევაში. --- იმედია ხვდებიტ ეს რასაც ნიშნავს, თუ ავხსნა?
- ჩვენ გვაიძულებენ ჩვენი ჰესებიდან დენი ვიყიდოთ თბოელექტროსადგურის დენის ფასად მხოლოდ 10 წლის განმავლობაში;
- 10 წლის შემდეგ ელექტროენერგიის ყიდვა მოგვიწევს საერთაშორისო ფასად, რადგან ვინც მეტს შესთავაზებს ინვესტორს იმას მიყიდის დენს ჩვენს ტერიტორიაზე არსებული ჰესებიდან;
- ვინაიდან ექსპორტზე გადასახადი არ გვაქვს მიუხედავად ელექტროენერგიის ექსპორტისა საქართველოს ბიუჯეტი ვერაფერ მიიღებს;
- ბიუჯეტი ვერაფერ მიიღებს ვერც მოგების გადასახადიდან, მანამ სანამ არ მოხდება ინვესტიციების ამოღება, რაც რამდენი ათეული წელია არავინ იცის...
- ადგილობრივი ბიუჯეტი მიიღებს ქონების გადასახადს, მაგრამ ის 1% დაითვლება არა ჩადებული ინვესტიციებიდან, არამედ ჰესის საბალანსო ღირებულებიდან, რაც გაცილებით დაბალი იქნება რათქმაუნდა;
- არც ადგილობრივი მოსახლეობა მიიღებს შეღავათიან ტარიფად დენს და ა.შ.
2. საქართველომ 1 აშშ დოლარად "მიყიდა" ათასობით ჰექტარი (1500 ჰექტარი მარტო ხუდონზე გადასცეს ინვესტორს) მიწის ფართობი ინვესტორებს და აიღო ვალდებულება, რომ მომავალში თუ გადაიფიქრებს სახელმწიფო და მოუნდება ან ნაციონალიზაცია ან პროექტის შეჩერება, სახელმწიფო ვალდებულია 1 დოლარად ნაჩუქარი მიწის ფართობები საბაზრო ღირებულებით დაიბრუნოს... და იმის გათვალისწინებით რომ მოსახლეობის 90% არ აქვს რეესტრსი რეგისტრირებული ქონება, პრაქტიკულად 1 დოლარად ნაჩუქარ მიწის ნაკვეთებში მოყვა მოსახლეობის კუთვნილი მაგრამ არარეგისტრირებული ქონებაც...

გავაგრძელო???

ეკოლოგიურ საკითხებს რაც შეეხება: მარტო ხუდონჰესის გამო წყლის ქვეშ აღმოჩნდება 530 ჰექტარი, რომელშიც შედის, როგორც სოფლები ასევე ტყის მასივები (და არა ორი ბუჩქი); ნენსკრას შემთხვევაში, რომელიც მყინვარების ძირში არის პრაქტიკულად დაგეგმილი ხელუეხლებელ ადგილებში უნდა გაიჩეხოს 400 ჰექტარი ტყის მასივი, მისასვლელ გზებს აღარ ვთვლი და მათ ზემოქმედებას... ნამახვანის შემთხვევაში 930 ჰექტარი დაიტბორება, მათ შორის ბზის ტყის მასივი და სერიოზული საფრთხის ქვეშ აღმოჩნდება ხომლის მთა... ნენსკრის შემთხვევაში კი რეზერვუარიდან 5 კმ-ის რადიუსში 2,3 გრადუსი ცელსიუსით მოიმატებს საშუალო წლიური ტემპერატურა, რაც პრაქტიკულად რამდენიმე წელიწადში მყინვარების გაქრობას გამოიწვევს და სერიოზული ზემოქმედება ექნება იგივე ენგურსა თუ სხვა მდინარეებში წყლის ხარჯზე (მნიშვნელოვნად შემცირდება)....

კიდევ გავაგრძელო???

დავით ჭიპაშვილი
მწვანე ალტერნატივა