აიკრძალოს ყველა იმ ორგანიზაციის საქმიანობა, რომლებიც ფინანსდებიან რუსული წყაროებიდან! ასეთი ორგანიზაციების ხელმძღვანელებს აეკრძალოთ პოლიტიკურ-საზოგადოებრივი საქმიანობა!

საუკუნო მტრის, რუსეთის მიერ დაფინანსებული ორგანიზაციები და ცალკეული სუბიექტები კვლავ აგრძელებენ საქართველოს სახელმწიფოებრიობისთვის ძირგამომთხრელ საქმიანობას საქართველოში!

ბოლო წლებში განსაკუთრებით გააქტიურდა ე.წ. რბილი ძალა! რუსული "ჰიბრიდული ომი" გამძაფრებულია!

მაშინ როდესაც ჩვენი ქვეყნის ტერიტორიები ოკუპირებულია, ყოველდღიურად იტაცებენ ჩვენს მიწებს, იტაცებენ და კლავენ ჩვენს მოქალაქეებს, ავიწროვებენ მოსახლეობას საოკუპაციო ზოლთან, ცდილობენ ჩაერიონ ხელისუფლების საქმიანობაში, პრაქტიკულად თავისუფლად მოღვაწეობენ საქართველოში ორგანიზაციები, რომლებიც ხელს უწყობენ რუსული ნარატივის გავრცელებას და საზოგადოებრივი აზრის ფორმირებას, რაც მიმართულია საქართველოს ეროვნული ინტერესების საწინააღმდეგოდ!

პ/გ რეფორმატორები და საინფორმაციო სააგენტო "GmTV.ge" მოგმართავთ ყველა პოლიტიკურ ძალას, მასმედიას და საქართველოს მოქალაქეებს შემოუერთდით პეტიციას და ვაიძულოთ საქართველოს ხელისუფლება გაატარონ შესაბამისი ღონისძიებები ანტი სახელმწიფოებრივი ქმედებების აღმოსაფხვრელად ქართულ პოლიტიკურ-საზოგადოებრივ სივრცეში!

დავით მიროტაძე (რეფორმატორები), ქეთი მიქაძე (GmTV.ge)    დაუკავშირდით პეტიციის ავტორს.